Novs horizonts ella Greina

Sper il trutg che meina alla Camona dil Terri sesanfla l’istallaziun da Jacinta Candinas intitulada «sur dil vegnir e svanir, malerisch, installative Spurensicherung».

25 artistas ed artists exponan lur installaziuns duront la stad sut tschiel aviert

da gieri antoni caviezel

Questa stad san ins admirar 25 ovras artisticas en la regiun da Carpet la Greina, Muota la Greina ed en la camona dil Terri. El seigi trumpaus da buc ina suletta ovra, gi Leo Condrau, igl iniziant dalla stad da cultura ella Greina . «Scadina installaziun secumporta cun la cuntrada ed ins senta ch'ils artists e las artistas ein sefataschentai da rudien culla Greina .» La finamira seigi da provocar novs discuors ed intimar la glieud da far patratgs davart la natira sco era da veser novas perspectivas. Ch'ins vegli trer dapli glieud ella Greina snega Leo Condrau. «Nus lein denton plidentar novs cerchels da persunas.» Dils 200 interessents hagien la fin dil quen 112 inoltrau in project e 25 astgien exponer ussa lur ovras ella Greina. La fin d'uost vegnien las meglieras premiadas.

© Südostschweiz, Chur

Artikel als PDF (213 kB, mit Bildern)