Stad artistica ella natira dalla Greina

dad augustin beeli

Igl onn 2004 s'occupa la secziun Péz Terri dil CAS buca mo da sport, mobein era dalla cultura. Proxima stad ha liug ella Greina in'exposiziun e concurrenza d'art.La secziun Péz Terri dil Club alpin svizzer vala enteifer l'organisaziun naziunala sco ina dallas pli activas. Da maniera professiunala organisescha la secziun numerusas turas igl entir onn ora. Els statuts ei era la cultura francada. Per motivs evidents ha quella giu ina posiziun magra tiels alpinists sursilvans. Igl onn 2004 vulan ils Terrians cumprovar ch'els san organisar cultura. El meins da schaner envida in comite d'organisaziun artistas ed artists dalla Svizra e digl exteriur ad in'exposiziun che ha liug la stad 2004 ella cuntrada dil Muot la Greina.

© Südostschweiz, Chur

Artikel als PDF (205 kB)